मान्यता प्राप्त अभ्यासकर्ता दोभाषेहरू (Recognised Practising Interpreters) उनीहरु NAATI परीक्षण उपलब्ध नभएको ठाउँमा र कम माग भएका सांकेतिक भाषाहरू (जस्तै न्यूजील्याण्ड सांकेतिक भाषा र अमेरिकी सांकेतिक भाषा र Auslan बीच डेफ इन्टरप्रेटिंग) सँग काम गर्छन्। उनीहरूले NAATI मा आफ्नो सीप परीक्षण गराएका हुदैनन् तर न्यूनतम प्रशिक्षण आवश्यकताहरू पूरा गरेका हुन्छन् र हालसालैको नियमित दोभाषेको अनुभव पनि हुन्छ।

प्रमाणित अस्थायी (प्रोभिजिनल) दोभाषे (Certified Provisional Interpreters) सामान्यतया दुई व्यक्तिहरू बीचको सामान्य, सरल कुराकानीको लागि उनीहरूको दोभाषे सीप परीक्षण गरिएको हुन्छ। उदाहरणका लागि, उनीहरूले जी.पी. अपोइन्टमेन्टहरू, ड्राइभिङ परीक्षणहरू, अभिभावक-शिक्षक अन्तर्वार्ताहरू, सामुदायिक कार्यक्रमहरू र सामाजिक सेवाहरूको अपोइन्टमेन्टहरूमा अनुवाद गर्न सक्छन्। ‘अस्थायी’ शब्द प्रयोग गरिनुको कारण NAATI ले प्रमाणित दोभाषेको स्तर अनुसार फराकिलो दायरा प्रयोग गरि दोभाषे सीपहरूको मूल्याङ्कन गरेको हुदैन।

• प्रत्यक्ष भूमिका-निभाउनेहरूद्वारा सहजीकरण गरिएको, अंग्रेजी र अस्लान बीचको प्रत्यक्ष (वा भिडियो) कुराकानीको मौखिक अनुवाद
• अस्लानमा एकल संवादको अनुवाद (समानान्तर अनुवाद))।

प्रमाणित दोभाषे (Certified Interpreters) स्वास्थ्य र कानुनी पृष्ठभूमिहरू सहित धेरैजसो परिस्थितिहरूमा जटिल अनुवाद गर्न सक्छन्। उदाहरणका लागि, उनीहरूले विशेषज्ञ चिकित्सासँगको अपोइन्टमेन्टहरू, विश्वविद्यालयका पठनपाठनहरू, व्यावसायिक बैठकहरू र कानुनी अपोइन्टमेन्टहरूमा अनुवाद गर्न सक्छन्।

• दुई व्यक्ति बीचको कुराकानीको मौखिक अनुवाद
• लिखित अंग्रेजीबाट अस्लान मा कागजातहरूको दृश्यात्मक अनुवाद (Sight translation)।
• एकल संवादको अनुवाद (समानान्तर अनुवाद)

प्रमाणित विशेषज्ञ स्वास्थ्य दोभाषेहरू (Certified Specialist Health Interpreters) उनीहरू अनुभवी र निपुण दोभाषेहरु हुन् जो स्वास्थ्य सेवाहरूमा मौखिक अनुवाद गर्ने विशेषज्ञ हुन्। उनीहरूले सामान्य चिकित्सा ज्ञान र स्वास्थ्य सेवामा दोभाषेको भूमिका बारेको चिकित्सकीय ज्ञान सम्बन्धी परीक्ष उत्तीर्ण गरेका हुन्छन्। उनीहरूले विशेषज्ञ-विशेषज्ञसँगको संवादलाई (जस्तै जब डाक्टरले बिरामीको बारेमा अर्को स्वास्थ्यकर्मीसँग कुरा गर्छन्) अनुवाद गर्ने र मानसिक स्वास्थ्य सेवाहरूको पनि मौखिक अनुवाद गर्ने क्षमताको मूल्याङ्कन गर्ने दोभाषे परीक्ष (interpreting test) पनि उत्तीर्ण गरेका हुन्छन्।

उनीहरूले प्रमाणित दोभाषेको रूपमा काम गरेका हुन्छन् र यो तहमा पुग्नु अघि विशेष तालिम प्राप्त गरेका हुन्छन्।

• स्वास्थ्य ज्ञान परीक्षण
• एकल संवादको अनुवाद [समानान्तर मौखिक अनुवाद (simultaneous interpreting)]
• एकल संवाद आदानप्रदानको अनुवाद (धेरै अंग्रेजी बोलिने जटिल वातावरणमा समानान्तर अनुवाद)

प्रमाणित विशेषज्ञ कानूनी दोभाषेहरू (Certified Specialist Legal Interpreters) उनीहरू अनुभवी र निपुण दोभाषे हुन् जो कानुनी पृष्ठभूमिमा अनुवाद गर्ने विशेषज्ञ हुन्। उनीहरूले सामान्य कानुनी ज्ञान र कानुनी पृष्ठभूमिहरूमा दोभाषेको भूमिकाको बारेमा कानुनी ज्ञान सम्बन्धी परीक्षा उत्तीर्ण गरेका हुन्छन्। उनीहरूले विशेषज्ञ-विशेषज्ञसँगको संवादलाई (जस्तै न्यायाधीश र वकिलहरू बीचको संवाद) र अदालतमा साक्षीसँगको सोधपुछ अनुवाद गर्ने क्षमताको मूल्याङ्कन गर्ने दोभाषे परीक्षा पनि उत्तीर्ण गरेका हुन्छन्।

उनीहरूले प्रमाणित दोभाषेको रूपमा काम गरेका हुन्छन् र यो तहमा पुग्नु अघि विशेष तालिम प्राप्त गरेका हुन्छन्।

• कानुनी ज्ञान परीक्षण
• संवादात्मक निकासी कार्य [आक्रोशित खालको साक्षीसँगको सोधपुछ परिदृश्यको क्रमिक (कन्सेक्यूटिभ) वा समानान्तर (साइमलटेनियस) अनुवाद]
• एकल संवादको अनुवाद (समानान्तर अनुवाद)
• एकल संवाद आदानप्रदानको अनुवाद (धेरै अंग्रेजी बोलिने जटिल वातावरणमा समानान्तर अनुवाद)

प्रमाणित प्रत्यक्ष दोभाषेहरू (Certified Conference Interpreters) उनीहरू उच्च-स्तरीय सम्मेलनमा काम गर्छन्। उदाहरणका लागि, उनीहरूले बहिरा शिक्षाविद्ले दिएको सम्मेलन पत्रलाई अंग्रेजीमा अनुवाद गर्न सक्छन्, वा उनीहरूले अंग्रेजी बोल्ने अनुसन्धानकर्ताले दिएको सम्मेलन पत्रलाई अस्लानमा अनुवाद गर्न सक्छन्। उनीहरूको प्रमाणपत्रले एक तर्फी अनुवादलाई समेट्छ (उदाहरणका लागि, अस्लान बाट अंग्रेजी वा अंग्रेजी बाट अस्लान) , यद्यपि केही दोभाषेहरूले धेरै भाषामा पनि काम गर्छन्।

• दृश्य र अदृश्य कुराकानीहरूको एकल संवाद अनुवाद (समानान्तर अनुवाद)

मान्यता प्राप्त अभ्यासकर्ता बहिरा-दृष्टिविहीन दोभाषेहरु (Recognised Practising Deafblind Interpreters) उनीहरूले बहिरा-दृष्टिविहीन व्यक्तिहरूसँगको कुराकानीलाई सहयोग गर्छन्। उनीहरूले मौखिक वा साङ्केतिक जानकारीको अतिरिक्त वातावरणीय विवरण, अनुहारको भाव वा प्रतिक्रियाहरू जस्ता दृश्यात्मक जानकारी प्रदान गर्छन्। बहिरा-दृष्टिविहीन दोभाषेहरूले स्पर्शशील साङ्केतिक भाषा, नजिकबाट संकेत, दृश्य संकेत, औंलाको हिज्जे र सामाजिक स्पर्शशील सञ्चार सहित विभिन्न सञ्चारका प्रविधिहरूको प्रयोग गर्छन्।

मान्यता प्राप्त बहिरा-दृष्टिविहीन दोभाषेका अभ्यासकर्ताहरूले NAATI लाई प्रत्यक्ष रूपमा आफ्नो बहिरा-दृष्टिविहीन दोभाषे सीप परीक्षण गराएका हुदैनन् तर न्यूनतम प्रशिक्षण आवश्यकताहरू पूरा गरेका हुन्छन्, दोभाषेको वर्तमान अनुभव हुन्छ, र अस्लान वा डेफ इन्टरप्रेटिंगमा NAATI प्रमाणीकरण लिएका हुन्छन्।

प्रमाणित अस्थायी बहिरा दोभाषेहरू (Certified Provisional Deaf Interpreters) उनीहरू बहिरा दोभाषे हुन् जससँग उच्चस्तरको दृश्य-इशारा संचार सीप हुन्छ। बहिरा दोभाषेहरूले (श्रवण) अस्लान दोभाषेहरूसँग मिलेर काम गर्छन् ताकि अस्लानमा पोख्त नभएका बहिरा व्यक्तिहरूको पहुँच सुनिश्चित गर्न सकियोस्।

बहिरा व्यक्तिलाई बहिरा दोभाषे (Deaf Interpreter) को आवश्यकता पर्न सक्छ यदि उनीहरू:

• इन्द्रिय वा संज्ञानात्मक अशक्तता छन्
• हालसालै अष्ट्रेलियामा बसाइँ सरेका छन् र अस्लान बाहेक अन्य भाषामा संकेत गर्छन्
• सामान्य अस्लान सीपहरू सीमित छन्।

• संवादहरूको अनुवाद (क्रमिक र समानान्तर मौखिक अनुवाद)
• लिखित अंग्रेजीबाट अस्लानमा र लिखित अंग्रेजीबाट गैर-परम्परागत सांकेतिक भाषामा कागजातहरूको दृश्यात्मक अनुवाद (Sight translation)

मान्यता प्राप्त अभ्यासकर्ता अनुवादकहरू (Recognised Practising Translators) (अस्लानबाट अङ्ग्रेजीमा) उनीहरूले अङ्ग्रेजी स्रोतका कागजातहरू वा भिडियोहरूलाई अस्लान (Auslan) मा अनुवाद गर्छन्। उनीहरूले NAATI लाई आफ्नो सीप परीक्षण गराएका हुदैनन् तर न्यूनतम प्रशिक्षण आवश्यकताहरू पूरा गरेका हुन्छन् र दोभाषेको वर्तमान अनुभव हुन्छ।